Todo o que necesita saber sobre a Lei 11/2007 e Adobe PDF

A Lei de Acceso Electrónico dos Cidadáns aos Servizos Públicos (LAECSP), coñecida máis popularmente como Lei 11/2007, supón o maior reto de modernización da xestión administrativa pública española das últimas décadas.

Esta lei declara como un dereito a posibilidade da relación electrónica coa Administración e, por tanto, establece como obriga desta última a implementación dos instrumentos e sistemas necesarios.

Lei 11/2007. O cidadán a un só clic

O obxectivo último da LAECSP é a implantación do expediente electrónico multicanle. Isto supón a creación e xestión de documentación con rastrexabilidade dixital desde o propio front-office de calquera organismo pertencente a calquera nivel da Administración pública, sexa esta de carácter municipal, autonómico ou estatal.

Máis alá de establecer este obxectivo último, a Lei 11/2007 detalla tamén algúns elementos de obrigado cumprimento na súa consecución. Por exemplo, ditamina sobre os criterios necesarios para a validez legal dos documentos emitidos por medios electrónicos ou telemáticos. Institúe tamén para o usuario dos servizos públicos electrónicos a posta ao seu dispor de información sobre o estado da súa tramitación. Esta información debe incluír polo menos a identificación do órgano ou unidade responsable e a fase en que se encontra o procedemento. A lei asiste o cidadán no dereito a non ter que presentar a documentación que estea xa no poder das administracións públicas, e permite o cambio de soporte ou de formato do documento sen que este perda valor probatorio.

En definitiva, o espírito da Lei 11/2007 impulsa unha adaptación e simplificación dos procedementos administrativos potenciando a transformación duns servizos públicos centrados no cidadán e non no propio trámite ou proceso.

O obxectivo último da LAECSP é a implantación do expediente electrónico multicanle. Isto supón a creación e xestión de documentación con rastrexabilidade dixital desde o propio front-office de calquera organismo pertencente a calquera nivel da Administración pública, sexa esta de carácter municipal, autonómico ou estatal.

Se quere saber que retos supón cumprir a dita lei e como Adobe PDF e Adobe® Acrobat® 9 o/a poden axudar, descargue o informe completo sobre a Lei 11/2007.